වවන්නෝ දිනන්නෝ 1

පැරණි කියමනක් තියෙනවනෙ වවන්නෝ දිනන්නෝ කියල.ඕකනම් කියල තිබ්බෙ කන්න බොන්න ඕනි දේවල් ගෙදරම වවාගන්න කියන එක වෙන්න ඕනි.දැන් ඉතින් කොහෙද මිනිස්සුන්ට ඕවාට වෙලාවක්.වෙලාවක් තිබ්බට ඉඩක් තියෙනව කියලයැ.

මිනිස්සුන්ට වවන්න කිව්වම ඉතින් නොයෙක් දේවල් වවනව නෙහ්.නියපොත්තෙ ඉදන් වැවෙන හැම මයිල් ගහක් වෙනකම් වවනව නෙහ්.

තරුණ වයස ආව ගමන් ඉස්සර කොල්ලොනම් මහපට ඇගිල්ලෙ නියපොත්ත වවන.කෙල්ලොනම් මොනා වවනවද කියන්න දන්නෙ නෑ.ඔය ඇගිල්ල වවන්නෙ පු# කසා ගන්නය කියනවනෙහ්.මං දන්නෙ නෑ නව යොවුන් විය ආවාම #කේ අමුතුවෙන් කැසිල්ලක් එන්නෙ මොකද කියල.දන්න කෙනෙක් ඉන්නවනම් මටත් කියහං.

කොල්ලො කොහොමත් ඉස්කෝලෙන් එලියට එනකම් ඉන්නෙ රැවුල වවාගන්න.දැන්නම් ඒක ට්‍රෙන්ඩ් එකක් වෙලාය කියනව නෙහ්.අපිනම් ඉස්කෝලෙ නිවාඩු කාලෙත් කලේ රැවුල වවන එක තමා.ඒ කාලෙ මටනම් පොඩි හැකියාවක් තිබ්බ එතකොට ට්‍රෙන්ඩ් එකක් වුන මූන වටේ හීනියට ඉරක් වගේ තියෙන රැවුල් කට් එක ඇද නොවී තනියම කපාගන්න.කට කියෙව්වෙ මදැයි.කතාවට යං.

මගෙ මිත්‍රයෙක් හිටියා රාජ්‍ය ආයතයක රැකියාවක් කරන.රාජ්‍ය කිව්වට අර්ධ රාජ්‍ය .
පොරට එක එක ලෙඩ හැදෙනව කාලෙන් කාලෙට.ලෙඩ කිව්වට සේරම ලෙඩ හැදෙන්නෙ කොන්ඩ රැවුල සම්බන්ධව.අද දකින පෙනුම නෙවෙයි මාසෙකින් තියෙන්නෙ.උගෙ යාලුවෙක් ඌට කතා කරනව යාළු මනමාලයට ඉන්න කියල උගෙ මගුලෙ.හැබැයි එක කොන්දේසියක් මත.රැවුල කොන්ඩෙ වවන්න ඕනි.ඉබ්බ දියේ දැම්මාම ඇන්නෑවෙ කියන්නහේ ඌට කරන්න ඕනි උන දේකට දැන් තියෙනව හේතුවක්.ඕකට කියල පොර දැන් කොන්ඩෙ වවනව.ඔය අතරෙ තමා ලංකාවෙ කොන්ඩා දන්දීමේ ක්‍රියාවලිය ප්‍රසිද්ධ වෙන්නෙ.දැන් ඕකටත් ආසයි පොරට.

රාජ්‍ය ආයතන කියන්නෙ ඉතින් පෙනුමට හෙනම හනමිටි නීති තියෙන තැන් නෙහ්.දැන් මූට කේස් එක කොන්ඩෙ වවනවට.දකින දකින එකා බනිනව.අහන හැම එකාටම කියන්නෙ දන් දෙන්න වවනව කියල.පොර ස්ථීර සේවකයෙක් නෙවෙයි.ඔය කාලෙ තමයි ස්ථීර කරන්න විභාග සහ සම්මුඛ පරීක්ෂණ වලට කැදවන්නෙ.ඔෆීස් එකේ සෙට් එකට මෑන්ව කොච්චර වටිනවද කියනවනම් මෑන් දන්නෙ අන්තිම මොහොතෙ තමයි ඕකට ඉල්ලුම් කරන්න ඕනා කියල.කොහොම හරි ඉල්ලුම් කලාය කියමුකො.ස්ථීර කරන්නෙ 36යි එක්සෑම් එකටම ඉන්නව 150ක් විතර.කෝමින් කෝම හරි මෑන් එක්සැම් එකෙන් 14 වෙනියා උනා.

දැන් තමා භීෂණ සමය පටන් ගන්නෙ.මිත්‍රයව ආයතයකට ගැලපෙන්නෙ නෑ.කොන්ඩෙ වවල උඩින් ගෙඩියක් බැදන් ඉන්නෙ.රැවුලත් වවල.කොච්චර කිව්වත් කොන්ඩෙ කපලත් නෑ..ඒ කියන්නෙ අන් අය කියනදේ අහන්නෙ නෑ.නැත්නම් නම්‍යශීලී නෑ.ඔහොමයි දැන් කසු කුසුව.පොර ඉන්ටෙව් එක අනිවාර්යයෙන්ම ෆේල් වෙනව.කට්ටියට හරිම සතුටුයි.ආයතයෙන් පිට ඉන්න යාලුවොත් කියනව ජොබ් එක වැදගත් නේද ඕක කපල යමන් කියල.එකම මතය.නෑ මං කපන්නෙ නෑ.

සම්මුඛ පරීක්ෂණ දවසේ උදාව.

පිරිමි හැමෝම සුදු අත්දිග ශර්ට් එක ඇදන් මනාව කපා පීරාගන්නා ලද හිසකේ සහිතව ෆයිල් කවරෙ අත දරාගෙන ඉන්නව.අපේ එකා විතරක් යන්තම් තෙල් ටිකක් ගාල.කොන්ඩෙ තද වෙන්න පීරල ඔලුව උඩින් ගෙඩියක් බැදන් ඉන්නව.හැමෝටම එකම ජෝක් එකක්.හැමෝම හිතන්නෙ මූ කෝමත් එලියෙ නිසා අපිට චාන්ස් එක වැඩීනෙ කියල.උන් හිනාවෙනව කට කොනින්.

අපේ කොල්ලගෙ අවස්ථාව.දෙපාරක් දොරට තට්ටුවක් දාල කොල්ල යනව ඇතුලට.
පැනල් එකේ ඉන්නව HR AGM , HR අංශ ප්‍රධානී, තවත් අංශ 3ක AGMලා 3 දෙනෙක්.
මිත්‍රයාගෙ පෝස්ට් එකේ අයගෙ ඉහලම නිලධාරියා සහ තව දෙන්නෙක්.
දැන් මිත්‍රයගෙ ෆයිල් එක ඉල්ලන් බලන් ගමන් තව කෙනෙක් අහනව විෂය සම්බන්ධ ප්‍රශ්න

.

ප්‍රශ්න එකයි.උත්තරේ හරි.

ප්‍රශ්න දෙකයි .උත්තරේ හරි.

ප්‍රශ්න තුනයි.ඒක HR AGM

"ඇයි පුතා කොන්ඩෙ වවල"

උත්තරේ දෙන්න කලින්ම තව කෙනෙක්
"මං අහන්න උන්න එක ඔයා ඇහුවෙ"

"ඕක ආයතයකට ගැලපෙන්නෙ නැතිබව දන්නවද "

" ...... ඔව් සර් නොගැලපෙනව ඇති.ඒත් මං මේක වවන්නෙ දන් දෙන්න "

"මොකක්.එහෙම කරන්නෙ කොහෙද? ලංකාවෙ එහෙම එකක් කරවද "

"ඔව් මිස්.ලංකාවෙ රමනි ෆ්‍රනෑන්ඩු සැලුන් එකෙන් එහෙම දෙයක් කරනව.කැන්සර් හොස්පිට්ල් එකේ අයට විග් හදන්න "
.
"ආ.අපි ඒ ගැන දැනුවත් නෑ විස්තර කරන්න පුලුවන්ද ?"
(කොල්ලා හිත යටින් හිනා වෙනව.දෙන්නම් ජම්බු.ඔය ගැන කොල්ලා a-z හොයල දැනුවත් වෙලා ඉන්නෙ )

"ඩැමේජ් උන, කලර් කරපු , වෙනස් කරපු කොන්ඩා ගන්නෙ නෑ.අගල් 12කට වඩා දිග තියෙන්න ඕනි කොන්ඩෙට.ඕනි කෙනෙක්ට දෙන්න පුලුවන්."

"දැන් කොච්චර විතර දිගද ඔයාගෙ.ඕක ලෙහල පෙන්නන්න පුලුවන්ද ?"

"දැන් අගල් 8 ක් විතර තියෙනව "

"ඕක නඩත්තු කරන්න අමාරු නැද්ද.මං අහන්නෙ ඔයා කොල්ලෙක් නිසා"

" නෑ සර්.දවස ගානෙ නානව.දවසක් හැර දවසක් ශැම්පු කරනව, ඔයිල් ට්‍රීට්මන්ට් කරනව.සතියට වතාවක් ඔලිව් ඔයිල් දානව විටමින් E එක්ක.ගැට කඩල පීරගන්නව.නඩත්තුව අමාරු නෑ ඉතින්"

"බලන් ගියාම මේ කොල්ල මගෙ කොන්ඩෙ මං කරන සාත්තු කරනවට වඩා සාත්තු කරනවනෙ"

සේරටම හිනා....

"එතකොට රැවුලත් දෙනවද ?"

" නෑ රැවුලනම් වැවුවෙ වෙන හේතුවකට."

"ඒ ?"

" මේකනෙ සර් කොන්ඩෙ වවල රැවුල කපල උන්නාම මිනිස්සු බලන්නෙ වෙන විදියකට නෙහ්.ඒකයි "

සේරටම හිනා..

බ්ලා බ්ලාබ්ලා....
කොල්ල දෙනව සම්පූර්ණයෙන්ම ලෙක්චර් එකක් කොන්ඩෙ වැවීම නඩත්තු කිරීම හා කොන්ඩය දන්දීම ගැන.
.
"මේ ලමයා යවමු එලියෙ තව පෝලිමක් ඉන්නව " ඒ තව සර් කෙනෙක්.

"හරි පුතා ඔයා යන්න.තෑන්ක්ස් නොදන්න දෙයක් ගැන අපිව දැනුවත් කලාට"

අනේ අපේඑකා කොන්ඩෙත් කඩාගෙන දොර ඇරන් එලියට එනකොට එලියෙ උන්ගෙ ඇස් කටේ.කලින් එකා ඇතුලෙ උන්නෙ විනාඩි 10යි.අපේ එකා විනඩි 30කට වඩා ඉදල.
එලියෙ ඉන්න උන් අහනව

"මොනාද බන් ඇහුව ප්‍රශ්න "

"මුකුත් ඇහුවෙ නෑ බන්."

හරි ඉතින් උගෙන් විෂය දැණුම අහලම නෑනෙ.

ස්ථීර කරන ලිස්ට් එක ආවාම අපේ එකේ 6 වෙනියා.

දන් උගෙ යාලුවො ඌට කියන්නෙ කොන්ඩෙන් ගොඩ ගිය එකා කියල.

මගේනම් මතය සම්මුඛ පරීක්ෂණ වල ඉන්න නිලධාරීන් ඔය වගේ විවෘත මනසක් ඇති අය වෙන්න ඕනි.

වවන්නෝ දිනන්නෝ 2 පසුවට.

නිකන් තියෙන කොන්ඩෙන් වැඩක් ගන්න හුරු වෙයල්ලා.ඕක එක පාරක් කපල දන් දුන්න කියල වරදක් වෙන්නෙ නෑ.
එහෙම කැමති අයට මෙන්න මේ තැනින් ඕක කරගන්න ඇහැකි.