සමාවෙන්නකො සාදු
සමාවෙන්නකො සාදු
නිසිලෙසක වැදගන්න
ඇදුම ඉඩ නොදෙනවා
නැමුවොතින් හිස තවත්
කොන්ඩෙ මල් වැටෙනවා
ෆොටෝ එක කැත වේවි
සිතත් කෑ ගසනවා
හිමිදිරියේ අන්දාපු
ඇගට හිර බර ඇදුම
සිතත් සිර කරනවා
නුපුරුදුම උස් අඩිය
දෙපා වෙව්ලුම්කවනවා
හංදියේ නුග ගහත්
මා වගේ සිතෙනවා
හැඩවලට ඉදලාම
මුලු ඇගම රිදෙනවා
නිදිනොමැති දින ගණන
මතකයට නැගෙනවා
තාම අපි බැදල නෑ
කසාදේ දුක දැන් දැන්ම විදිනවා
සමාවෙන්නකො සාදු
පුදබිමේ සිටත් අපි
කෙලෙස් ගොඩ ගසනවා
ඔබ වහන්සේ දැක දැකත්
වෙනතකට ඇදෙනවා
බැදීමේ දුක සිතින් අප විදිනවා
ඉතින් අපි හැමදාම
සසර සැරි සරනවා
No comments:
Post a Comment