ජල කාලතුවක්කු ආචාරය

සමහරවිටෙක ඔබ දැක ඇති විටෙක ඔබ මොන විකාරයක්දැයි සිනාසී ඇති. එහෙත් ඔබගේ ගෙලට පලදන මල්මාලයකට ,දෑතට ලබාදෙන මල් කලඹකට , කොපුල් උනුසුම් කරන හාදුවකට සිනාසී ඇතිද.විකාරයක්දැයි සිතා ඇතිද. මෙයත් එවැනිම අචාරකිරීමේ සම්ප්‍රදායකි. මෙලෙස හදුන්වාදීමක් කරන්නට සිදුවූයේ පෙර දිනක නිරාගමික අයෙක් විසින් මෙය ආචාර ක්‍රමය ආගමික ක්‍රමයක්යැයි වටහාගෙන සමච්චලයට ලක් කිරීම නිසාය.

යම් යම් අවස්ථාවන්හිදී මෙම ජල කාලතුවක්කු ආචාර ක්‍රමය භාවිතා කිරීම ගුවන් තොටුපළ සම්ප්‍රදායකි. මෙය ගෞරවය හා කෘතවේදීත්වය පල කිරීමේ ආචාර ක්‍රමයක්වේ.
මේ සදහා ගිනි නිවීමේ නිලධාරීන් දෙදෙනෙකු අතීතයේ යොදාගැණුනු අතර වත්මනේදී ගුවන් තොටුපල ගිනි නිවීමේ (AIRCRAFT RESCUE AND FIREFIGHTING) ඒකකයේ රථ 2ක් හෝ 3 ක් යොදා ගැනීම සිදුකරයි.

මෙහිදී පැමිණෙන හෝ පිටත්ව යන් ගුවන් යානයක දෙපස සිට ARFF රථ මගින් ජල චාප විදීමක් සිදු කරණු ලබයි. රථ තුනක් භාවිතා වන්නේනම් රථ දෙකක් දෙපසින් හා අනෙක් රථය ඉදිරියේ සිට ජල විදීම සිදුකරයි.ජල චාප විදීමයට යොදාගනු ලබන්නෙ වැඩි ජල විදීමේ බලයක් සහිත ජල කාලතුවක්කු රථයන්ය.
මෙම ජල කාලතුවක්කු ආචාරය සදහ විනාඩි 2ක පමණ කාලයක් තුල ජල ලීටර 3000ක් පමණ යොදාගනී.

- පලමුවරට ගුවන් තොටුපළෙන් පිටත ක්‍රියාත්මක වන නව ගුවන් සමාගමක් සදහා ,
- පලමුවරට වානිජමය වශයෙන් ක්‍රියාත්මක වන නව ගුවන් යානයක් සදහා,
- ගුවන් යානයේ කපිතාන් හෝ ATC (Air Traffic Control ) සාමාජිකයෙකු විශ්‍රම යන්නේ නම් ,
- ගුවන් සේවය එම ගුවන් මාර්ගය වසාදමන්නේනම්,
- ගුවන් තොටුපළේ සිට එම ගුවන් යානය පියාසර කරන අවසාන ගුවන් ගමන් නම්,
යන ප්‍රධාන හේතු වෙනුවෙන් ජල ආචාරය සිදුකරනු ලබයි.

ගුවන්‍ යානා සදහා ජල ආචාර කිරීමේ සම්ප්‍රදාය ආරම්භ වූ නිශ්චිත දිනයක් හෝ ආකාරයක් පිලිබද කිසිවෙකු නොදන්නා නමුත් මෙය නෞකා ජල ආචාර ක්‍රමයෙන් පැවත එන්නේයැයි විශ්වාස කරනු ලබයි.නෞකා මගින් මගී ප්‍රවාහනය ආරම්භවූ සමයේ සිටම මගී ප්‍රවාහන නෞකා පිටත්ව යාමේදී හෝ වරායකට පිවිසීමේදී ගිනි නිවීමේ බෝට්ටු මගින් ජල අචාර පුද කිරීම සාමාන්‍ය සම්ප්‍රදායක් ලෙස භාවිතාවේ.
එබැවින් ජල ආචාර කිරීම ගුවන්යානා වලට පමණක් ආවේනික ආචාර ක්‍රමයක් නොවේ.

වසර 1990 දී ඇමරිකාවේ Salt lake city ජාත්‍යන්තර ගුවන් තොටුපළ මගින් Delta Air Line හි විශ්‍රාමික ගුවන් නියමුවන්ට ජල ආචාර පුද කල අතර ඒ සමග ජල ආචාර පුද කිරීම සාමාන්‍ය සිරිතක් බවට පත්විය.

ඡායාරූපය -අන්තර්ජාලයෙනි.
Jaffna International Airport වෙත පැමිණි පලමු ගුවන් යානය වන අලියාන්ස් ගුවන් සමාගමේ VT-RKM ATR 72 - 600 වර්ගයේ ගුවන්යානයට ජල ආචාර පුදකල අවස්ථාව.

©මුදියන්සෙ මලයා