Sunday, June 28, 2020

මැජික් කාඩ්

ඒ කාලෙ.. කොට කලිසම ඇදගෙන දුවිලි දාඩිය පෙරාගෙන ඉදල පාසැල අවසන් වුන ගමන්ම ලගම තියෙන කඩේට දුවල අපි ටිපිටිප් කෑවෙ පොරකකා..ඒ කාලෙ ඒ කෑම වලට තිබ්බෙ පෙරේතකමක්..
ඒ පෙරේතකම් ඉහවහ ගියෙ මැජික් බෝල, මැජික් කාඩ්, සෙල්ලම්බඩු නිසා..
මැජික් කාඩ් වලත් විනිවිද පේන කවරවල තිබ්බෙ සුලඹ දේවල්.ඒත් අත්දැකීමෙන් දන්නව සුදුපාට/නිල්පාට කවර ඇතුලෙ තියෙන්නෙ දුලබ දේවල්.ඒ කවරෙ විවෘත කරනකම් හිත හරිම නොසන්සුන්..
හැම වාහන වරගයක්ම, රොබෝලා ,සත්තු එකතු කලේ පිස්සුවෙන්..
මැජික් කාඩ් ඔට්ටු ඇල්ලුව.. මුද්දර වෙනුවට මාරු කලා..
ජීවිතේ තිබුනේ ඒ දේවල් ගැන ආසවක් විතරමයි...
දැන්..මැජික් කාඩ්වල තිබ්බ ආස කරපු වාහන ගන්න, ගෙවල් හදාගන්න හැල්මෙ දුවනව.දැන් නොයිවසිල්ලෙන් දිග අරින්නෙ පඩි පැකට් එක විතරයි.ඒ නොයිවසිල්ල තියෙන්නෙ තවත් වැඩිපුර කීයක් හරි පඩියෙන් කැපිලද කියල බලාගන්න.
ණය, ආධාර, අරකද මේකද කැපිලා අතට එන සොච්චම..
ගෙදරින් ලැබුන බස් ගාස්තුව ඉතිරි කරගෙන ටිපි ටිප් කෑව අපි දැන් හම්බකරන පඩියෙන් ටිපි ටිප් එකක් කන්න දෙවතාවකට වඩා හිතනව.ඒ පොඩි උන් කන කෑමක් නිසා ලැජ්ජවක් ඇතිවෙයි කියල නෙවෙයි..ඒ 50/=ත් වටින නිසා..
ලොකු වෙන්න ආස කලේ ඇයි කියල නොහිතෙනවනම් ඒ මනුස්සයට සුන්දර ලමාකාලයක් නොතිබෙන්නම ඕනි.ජැන්ඩි සූට් එක්ක ඔෆීසියට හිර වෙන ජීවිත සැනසීම හොයන්න හැම තත්පරේම උත්සහ කරනව...
බොහෝ දෙනා ඒ සැනසීම අවසන් කරගන්නෙ අනවශ්‍ය කරදර පටලගෙන.
ජීවිතේ මෙච්චර සංකීර්ණ කරගන්න අපි තාමත් දතකනව හැර සරල කරගන්න උනන්දුවක් ඇත්තෙම නැතිතරම්.
ටිපි ටිප් එක විකුණගන්න අපිට මැජික් කාඩ් වික්ක මිනිස්සුම අද අපිට ඊට වඩා ලොකු දේවල් විකුණනව.
අපි තවමත් අර ළමාගතිය හිතේ කොනක හිර කරගෙන වෙලෙන්දන්ගෙ උප්පරවැට්ටි වලට අසුවෙලා අනවශ්‍ය බරක් ගොඩ ගහගන්නව.
හැබැයි මම තාමත් දාස්ගානක් ණය සල්ලි එක්ක ඇගේ ගහන ක්‍රෙඩ්ට් කාඩ් එකකට වඩා මැජික් කාඩ් එකකට ආසයි.ආලෙයි..

©මුදියන්සෙ මලයා


2 comments:

  1. ඕං මාත් ආව.

    ෆලොවර්ස් ගැජට් එක දැම්මනං අපට ලේසියි ෆලෝ කරන්න...

    ඩ්‍රැකී

    ReplyDelete
    Replies
    1. බොහොමත්ම තුති මෙහෙට ගොඩවැදුනට.. ගැජට්ටුව එල්ලලා ඇත්තෙ

      Delete